百味章魚

營業中

休息中

行過沙田廣場~百味章魚~，見鬼咁多人等章魚小丸子外賣，我地一班fd 都心郁郁想食埋一份。原來呢間係同旺角中心*真‧章魚無雙*同一班底，一樣咁真材實料。出面有啲章魚小丸子得一團粉團無章魚，呢度既就好足料，咬落入面有幾粒好彈牙既章魚，正。呢度款式多，大阪章魚燒，原味夠正宗，揀左2款口味試試佢。激蔥章魚燒，啲蔥鋪滿哂係面，未打開已經聞到香蔥味道，食落蔥好脆口，同小丸子又夾。蟹子章魚燒，蟹子又係滿滿的，橙色綠色好吸精，食落口爆子，口感豐富。呢度章魚燒好食，食唔停口。