海盜灣長洲 (已結業)

今日同一班朋友入長洲，由碼頭轉右，沿海濱慢慢行去西灣，行到攰，見到一間叫海盗灣嘅西餐廳。老闆兼大廚是一位高大威猛又親切的法藉男士，老闆娘是香港人，帶着陽光般笑容，開朗又幽默，介紹了幾款拿手菜式俾我哋一班嘩鬼。餐牌有中文及英文，不擔心睇唔明。價錢也很合理，套餐包一碗湯，咖啡或茶。我哋見到有陳皮燉檸檬，可凍可熱，於是大家又叫了幾杯試下，果然順氣化痰，真心推介！又叫了日本生啤，菠蘿梳打，和老闆親手釀製的豬肉腸，超配！另外仲叫咗蘋果煮豬肉，特製雞肉三文治，咸甜法式薄餅，大家食到每碟都干干淨淨。老闆娘說，餐牌上的各種肉類都是外國貨。香腸，各式肉醬，麵包都是自家製作，肯定無防腐劑及添加劑，保證新鮮及食得健康！大家食得太高興，唔記得影低餐牌！