養心殿台式養生鍋 (已結業)

平時都比較少行到黎棉登徑呢頭，原來都開咗唔少食肆。酸菜白肉鍋湯底方面，唔少都係出面比較少見嘅，例如有美人鍋、養生鍋，入面都加入咗唔同嘅藥材。 最後揀咗款清清地嘅酸菜白肉鍋。本來以為鍋入面只會有少量配菜，但估唔到一打開就見到係足有一鍋配菜，變得非常抵食。酸菜白肉鍋入面大致有醃製大白菜、豬花腩、蕃茄同埋QQ闊條麵涮鍋小羔羊肉片好明顯食得出羊肉片係有少少嘅羊騷味，但係絕對係容易接受嘅味道，食落肉質鮮嫩，而且味道豐富。 海鮮拼盤打邊爐最鍾意嗌呢類拼盤， 唔怕嗌得太多嘢食，又可以試多幾款式食材。呢個海鮮拼盤有海蝦、帶子同埋九孔，即係鮑魚。海蝦好新鮮，上枱時仲好生猛，肉質厚實而且充滿鮮味。手工丸類拼盤咁啱賣曬芝士牛肉丸，所以多左兩粒黑松露蝦丸。黑松露蝦丸入口彈牙，又好重黑松露味。另外仲有鵝肝墨魚丸、 蝦丸、墨魚丸同埋梅菜豬肉丸。什錦蔬菜盤本來以為只會有綠色蔬菜唔會有菇類，又估唔到會有幾款菇，仲有埋粟米。食台灣嘢梗係要嗌埋台灣小食，鹽酥雞炸得香脆又可口，雞件唔會太細件，食落好有口感。原來酸菜白肉鍋仲可以追加多一份酸菜白肉，千祈唔好錯過。