才哥蝦麵 (已結業)

上網睇過好多次朋友介紹，今晚終於都可以夾到時間黎試下，《才哥蝦麵》，你如果以為佢淨係賣蝦麵就錯喇🤣，有海南雞飯，有撈麵，有羊肉湯，有牛展湯，好多選擇。今晚唔算太肚餓，叫左個招牌《多蝦湯麵》，一上枱，哇！就咁睇都有6個蝦頭同6隻蝦，蝦頭啜落去仲有鮮味同精華，蝦身肉又爽又彈牙，好新鮮既蝦，最緊要係己經剝埋殼，唔使食到隻手污糟哂👍🏻👍🏻👍🏻，湯底鮮甜又濃郁，個麵底可以揀米粉同手打麵，我叫左手打麵，個麵好夾個湯，非常出色❤️，難怪係招牌菜💕💕 朋友叫左個《牛三寶撈麵》，唔講都冇留意，佢個牛三寶冇牛腩，係牛利，牛肚同牛筋🤣，牛利係厚身長方形既，咬落去都幾好口感，牛肚同牛筋都炆得岩岩好，又入味又夠淋，唔會有陣騷味，👍🏻唔錯唔錯小食叫左厚切牛利，我一個人食下食下就食清哂😂🤦🏻‍♀️另外叫左個玻璃尤魚通菜，啲尤魚夠爽口彈牙，份量好似睇落細細碟，食起上黎都幾多咁野飲方面叫左一杯凍蜜糖吉仔水同西洋菜蜜，消熱解渴😜😜夜晚唔係太餓，黎食個麵加個小食，飲杯野都係唔錯既選擇👍🏻