千家客 (已結業)

今晚去了間傳統麵家食晚飯，其實乘巴士落車咁啱見到，本身吃個麵先，點知望望吓叫了個牛腩飯，話係傳統麵家，但裝修整潔，從餐牌得知已經開業多年，餐牌內有粉麵選擇外，重有粥飯同蒸餸客飯選擇，確實夠晒選擇，而絕對適合街坊多一個地方當飯堂嘅地方！原味牛腩飯$48，飯同牛腩分開上，望到個分量已經覺得超抵讚，點解呢？個牛腩分量放滿了個碗，重要係夠晒肥美，肉質嫩滑，加埋個腩汁，只會覺得個白飯未夠！認唔住加多個酥炸巧製鯪魚球$58，一碟八粒，新鮮滾熱辣，最緊要係夠晒彈牙煙韌，外香內軟，充滿魚香，加埋個蜆芥醬，絕對係最佳配搭！雖然係一間小店但味道絕對一啲都唔小，又係街坊或係附近搵食嘅好地方！