蛇王福

營業中

休息中

由於天氣突然急降，身體自然覺得好凍，忍唔住要食蛇補一補，行經呢間店，用一個平常心入去試一試，兩人食，叫左兩個餐，個餐有細蛇羹，蛇湯，糯米飯有兩條半條的臘腸同潤腸，另一個餐都係頭兩個一樣，但就有蛇汁泡雞，其實仲有好多野食，例如羊腩，不過今晚無叫，下次會再去試，入題，個蛇湯我第一次飲,好好味，無味精，個蛇羹好足料，唔係水汪汪果種，個雞好特別，好食，個糯米飯我覺得最正係兩條腸好香，飯煮得剛好！整體真心覺得唔錯，值得再去，以後又多一個選擇啦！唔洗再去某幾間出名貴又唔憂做既蛇王食啦！