餃掂手工餃子雲吞專門店

我最近去咗一間叫做「餃掂」嘅餃子專門店🥟呢間舖有好多分店，我去咗灣仔分店。呢間舖頭裝潢簡約，氣氛舒適。店員態度友善，令人感到好有親切感。餃掂嘅餃子好多種類，我試咗佢哋嘅壽喜燒牛肉餃同埋芝士煎餃子，全部都好好食😋🍲「壽喜燒牛肉餃」🥟嘅味道好特別。牛肉嘅肉味同香氣好濃郁，好過癮。餡料入面仲加咗啲大蔥同埋馬蹄粒，令味道更加豐富。餃子皮薄彈牙，一口咬落去就可以感受到鮮甜嘅餡汁。總括來講，壽喜燒牛肉餃嘅味道好好，好獨特，真係一款值得一試嘅美食。🧀「香煎軟心芝士餃」🥟嘅味道好誘人。餃子表面煎到金黃色，飄出淡淡嘅焦香味，令人食慾大增。餃子同樣皮薄彈牙，一咬就可以感受到餡料豐富嘅多汁感。而芝士餡就係入口即溶，散發出濃郁嘅奶香味，又有甜甜嘅粟米粒，令人難以抗拒。另外值得介紹嘅係佢哋嘅「狀元九鼎湯 」湯裏面包括粉葛、鯽魚、紅蘿蔔、鯪魚、赤小豆等等，經過長時間熬製，冇加任何味精，好味又好滋補。食湯餃子嘅時候可以配上呢一碗狀元九鼎湯做湯底，食餃子嘅同時又可以飲埋呢碗靚湯，真係一次過滿足晒兩個願望。如果鍾意食辣嘅朋友唔好錯過佢哋自家製嘅「菜莆豆豉醬」🌶️，醬料惹味香濃，可以提升餃子嘅鮮味。餃掂嘅價錢好實惠，味道同