影片
更多
2021-06-06
2241 瀏覽
日式燒肉，因應質量及產地等等既原因，相信大家而家行街個陣都會經常見到。部分較受歡迎既餐廳如牛角等等甚至推出任食套餐，務求將原本追求高質量牛肉(但散叫)﹑或者追求親民任食價(但質量較差)既人搶哂返黎。但其實香港除牛角外，仲有唔少高質數而任食既日式燒肉餐廳既!今晚小編與老公就響荃灣區試下呢間標榜任食宮城縣黑毛和牛既餐廳 - 尚八。地點方面尚八位於荃灣楊屋道街市正後方 (即荃新天地附近)既百悅坊，入商場後可上1層電梯，就會見到通往12樓既升降機大堂。一開電梯門口，就見到右邊有一整個保溫室設置於門口，行近少少去研究個陣，原來入面放置不同部位既黑毛和牛。坦白講，小編第1個印象都會覺得：駛唔駛咁誇張呀？但趁入座前上網Google一下，原來尚八標榜使用既黑毛和牛「日高見和牛」響宮城日高見牧場係真係存在既，而同時響日高見牧場既社交平台亦有轉載及同意餐廳使用；同時，響和牛既包裝袋上既Iwachiku Co.經Google調查，都係代工處理和牛既公司。所以小編都相信一陣食到既和牛都係真正日本產及直送既和牛吧!入座前店員都再次善意提醒任食和牛既價錢，其實黃金時段以$458加一既價錢的確與自助餐價錢差唔多，不
今晚小編與老公就響荃灣區試下呢間標榜任食宮城縣黑毛和牛既餐廳 - 尚八。地點方面尚八位於荃灣楊屋道街市正後方 (即荃新天地附近)既百悅坊，入商場後可上1層電梯，就會見到通往12樓既升降機大堂。
一開電梯門口，就見到右邊有一整個保溫室設置於門口，行近少少去研究個陣，原來入面放置不同部位既黑毛和牛。坦白講，小編第1個印象都會覺得：駛唔駛咁誇張呀？但趁入座前上網Google一下，原來尚八標榜使用既黑毛和牛「日高見和牛」響宮城日高見牧場係真係存在既，而同時響日高見牧場既社交平台亦有轉載及同意餐廳使用；同時，響和牛既包裝袋上既Iwachiku Co.經Google調查，都係代工處理和牛既公司。所以小編都相信一陣食到既和牛都係真正日本產及直送既和牛吧!
入座前店員都再次善意提醒任食和牛既價錢，其實黃金時段以$458加一既價錢的確與自助餐價錢差唔多，不過既然調查完和牛既背景，似乎都有保證下，梗係要繼續試試啦!
餐廳內坐位都算多，基本上以卡位及長枱為主，如果唔係因為現時防疫措施既關係，應該都幾方便一大班朋友黎一齊食飯既。
任食燒肉可以響出面凍櫃任選飲品，有14款飲品情況下雖然都係大路既紙包或罐裝飲品，但響方便降低燒肉既油膩感下都係好重要既。反而見到附近幾枱既客人都點了一大樽Sapporo既生啤，了解之下原來係因為3L版既生啤都只係$148，即係平均每杯標準生啤(500ML)裝都只係$25左右，計落又真係幾抵!
而同時，除左放響旁邊既4款醬料外，因應今次係食和牛既關係，店員都拎左岩鹽俾我地，以方便食個陣令和牛既肉味更突出。(不過溫馨提示唔好沾太多，因為岩鹽太純正，沾太多會令牛肉變得好咸)
除和牛可以任食外，點選和牛任食既話響電話落單既餐單內仲可以點選安格斯牛(包括牛舌等)﹑雞肉(不同製法)﹑豬肉(不同製法)﹑肉臟﹑小食(如米紙卷﹑和牛粒等)﹑壽司等，款式都真係非常多架 (因應可貼圖片有限，可參考另外上傳既相片)。
而食和牛之前，店員會先送上細細既一碟刺身俾我地，每人會有1件三文魚﹑帶子﹑劍魚腩。帶子非常鮮甜﹑而劍魚腩完全無腥味，亦因為厚切關係好有質感，唔錯! (最衰無得再叫)
好，正式到主菜「日高見和牛」喇! 一開頭店員都會先奉上每人每款2件，即6個部位每人共12件俾我地，然後再溫馨提醒我地食到鍾意既部位可再無限追加。
每款和牛既油花都又均勻又靚，好吸引呀! 而且每個部位有佢地既厚度或切既唔同，似乎都係針對唔同部位既特定切法，而令肉質有唔同既效果吧!
響一路燒既過程小編與老公對每個部位既和牛都有唔同感受：
和牛胸腹：好好味! 厚切得黎油味非常足夠，響爐火煎個陣每每都令火舌程度增強，食個陣亦有濃烈既牛肉味!
和牛前肩：推介! 前肩相對油脂更充足，但因為前肩本身肉質比較軟身，所以雖然係厚身但食個陣有容易散開而好易入口!
和牛三角：推介! 三角位即係近肋骨附近既稀有位置，薄切既方式燒個陣可以更以肉質嫩既情況下入口，陣陣既牛肉香味即刻聞到!
和牛外腿：好味! 外腿小編覺得相對肉味無咁濃烈，而相對其他部分筋位會出現，所以薄切既燒法會令入口時咬斷筋脈既尷尬會較少!
和牛冧：好味! 牛既屁股位置，直接形容就係以肉質為賣點，而油花相對會稍少既。食個陣因為油脂散發稍少而無太多油膩感!
一口牛：還可以! 一口牛建議於爐底慢慢燒，等入面既肉汁盡快鎖緊，咁樣食個陣就可以保持住肉汁味而唔會太老。不過響任食既角度當然會相對失色少少既。
忍唔住再叫埋第2輪既和牛再食食，除一口牛外都忍唔住再叫其他部位既和牛，慢慢再享受多次每個部位帶黎唔同既油脂味! 可能大家會覺得和牛只係我油脂味，但其實如果細心欣賞既時候，油脂既香都係好吸引既。
除和牛外，小編都品嚐左部分可以燒烤既菜式，變左響燒肉既過程中亦唔會只有燒肉單一既味道，咁先令自己個肚可以得到滿足!
牛舌 (鹽燒牛舌﹑鹽蔥牛舌﹑法式芥末籽牛舌﹑岩鹽厚切牛舌)：好好味! 基本上牛舌只要稍為燒至變色，基於薄切既關係入口個陣就已經有陣陣肉香! 而最深刻就係厚切牛舌，小編試過響唔少厚切牛舌都因為煮過龍而變得好難咬開，但尚八既厚切響燒至7成熟左右都仲可以輕易咬開，唔錯唔錯!
鹽燒虎蝦：還可以，雖然唔係新鮮既蝦但食個陣蝦肉無散開，唔太足夠鹽味下，落少少和牛鹽後令蝦既質感增強!
香草牛油帆立貝：還可以，香草及牛油令原本比較淡味既帆立貝多左色彩，所以盡量唔好浪費帆立貝上厚厚既牛油而一併燒吧!
燒蜆﹑汁燒魷魚筒：唔建議。魷魚筒未落去燒已經頗乾身，所以燒熱後食個陣都覺得太硬；而燒蜆可能因為蜆既鮮度問題，所以比較腥!
另外亦都點了以下既小食品嚐： (最衰點了和牛刺身後就沽清，因為都希望可以品嚐下刺身牛既肉質吧)
和風麻辣牛舌：好味! 麻辣唔算太辣既，而本身選用厚切牛舌既關係令食個陣可以慢慢咀嚼，享受麻辣輔助牛舌而帶出既牛香。
紙米卷：芒果車海老相對柑汁野菜蟹肉既版本較清新，作為幫助解油膩感好有用! 而且紙米卷因為薄身，其實唔會令你增加飽肚感。
牛小排漢堡：還可以! 較一般既和牛漢堡計，呢款漢堡肉質較結實而肉汁較少既。
蒜香和牛一口牛：還可以! 一口牛煮得比較熟，所以只能靠乾蒜去提升某程度上失去既肉質感。
火灸和牛壽司：好味! 每件壽司上面既薄切和牛都煮得剛剛好! 最主要都係和牛與醋飯稍為唔太夾。
經過1.5小時既努力後，已經清得七七八八了。整餐飯都非常滿足，而店員上菜時間唔中都會有介紹食物，變左唔駛特登再搵相比對。而且必須要讚既點就係均爭 - 基本上你點菜所寫既數量佢地會俾足你，唔會因為你點菜既價錢而扮收唔到單而有缺失，所以整餐就算人均消費要$500/人，但食到優質而充足既和牛絕對係值得既。
但都要有批評點，就係場內既音樂聲實在太大聲，變左如果三五如己傾計既話會比較辛苦，同時亦會令餐廳內比較嘈吵，員工講野介紹都需要用較大音量吧。
張貼
