大良泗記

營業中

休息中

老老實實講，如果唔係地膽老友推介，真係唔會黎呢一度，就算黎呢一度都唔會行入黎，就算行入黎都唔會幫襯呢一間，因為個地方真係有D惡劣。不過坐喺度一路食一路見到好多人Keep住幫襯，主要係外賣為主，有D客仲堂食完仲會叫外賣，原因只有一個，就係佢D蒸飯真係非常出色。呢個係排骨飯，差唔多8成人都食呢一個，先講D排骨，竟然無乜肥肉，真係難得，因為多脂肪嘅排骨價錢係平D，所以出面好多地方都會用肥排骨，另外佢D飯都好好食，真係做到軟硬適中，同埋佢個豉油都幾香，夾夾埋埋就成為咗一碗好正嘅排骨飯。另一碗我就叫了臘味飯，佢嘅臘味飯係只有臘腸同臘肉，兩樣又係好難得地瘦，似乎呢間舖頭嘅主事人對D用料都有D要求。味道唔錯，真係真正地道嘅風味。