榴蓮王 (已結業)

🍰🍭🍮香港食榴槤真係好瘋狂，熱辣辣都冇減低大家對榴槤嘅熱情，短短15分鐘已經超多人外賣😳連我都忍唔住要買黎試下🤣叫得榴槤王對佢期望緊高嘅！所以要食就食最受歡迎！據聞呢個＂榴槤白雪餅＂每日可以買100個最高峰時期可以買300個咁多😎💓外皮勁煙韌！原來係用類似日本大盤燒嘅做法，而主角當然係入邊啖啖超香濃榴槤肉，果然冇失望💓＂榴槤拿破崙＂足料之選🤤外面酥皮鬆化，入面夾住厚厚榴槤肉加蛋黃醬，真材實料好有層次😎👍🏻榴槤控不能錯過！不過食個陣要小心呀，真係好脆唔好食到碎曬🤣🤣 ＂榴槤芝士凍餅＂芝士味唔算太香濃但質地好滑好creamy，當然最好食都係入邊嘅榴槤蓉🤣👍🏻最絕係連新鮮飛機貨貓山王都有得賣！細細盒少食多滋味✨✨