影片
更多
2020-12-26
289 瀏覽
正品蕃茄湯麵店(3/5) 🌕🌕🌕🌑🌑推薦程度：🔥🔥🔥🔥 (5🔥為最高)荃灣有好多不同的餐廳選擇，今次帶大家黎到比較少人認識的正品蕃茄🍅湯麵店。正品蕃茄湯麵店主打蕃茄湯麵，不單止用上蕃茄湯底，連麵條都係用蕃茄整。依一年大家都開始注重於健康方面，蕃茄湯麵會唔會係其中一個選擇呢，一於睇吓呢間蕃茄湯麵有幾健康。由於疫情關係，政府要求餐廳暫停🚫晚市堂食，我唯有趁下午茶時間🕠少人的時段去食。一如既往，入去餐廳食嘢之前要量體溫。但係呢間餐廳我一入去，餐廳又無提供紅外線體溫器，店員也沒有主動幫我量體溫，直至我提出才幫我量體溫，似乎呢間餐廳的防疫意識不足夠。下午茶時間店內只有數位客人，一看餐牌封面見到「推介」二字吸引我眼球，於是我叫了8號隊長肉餅湯麵餐。1至8號蕃茄湯麵餐的蕃茄湯底都有4️⃣款比你揀，分別有香芹蕃茄湯、酸菜蕃茄湯、黑胡椒蕃茄湯、同埋風味辣蕃茄湯。下午茶餐牌的蕃茄湯麵餐會平好多，不過下午茶餐牌無隊長肉餅湯麵餐依款揀。大家唔想食蕃茄湯麵，呢度都有提供特式飯餐、常餐、同埋特色小食比大家選擇。隊長肉餅湯麵餐(2塊)配熱菜蜜(3/5)🌕🌕🌕🌑🌑講翻我叫個餐先，8號隊長肉餅湯麵餐(2塊)，配熱菜蜜，$5
推薦程度：🔥🔥🔥🔥 (5🔥為最高)
荃灣有好多不同的餐廳選擇，今次帶大家黎到比較少人認識的正品蕃茄🍅湯麵店。正品蕃茄湯麵店主打蕃茄湯麵，不單止用上蕃茄湯底，連麵條都係用蕃茄整。依一年大家都開始注重於健康方面，蕃茄湯麵會唔會係其中一個選擇呢，一於睇吓呢間蕃茄湯麵有幾健康。
由於疫情關係，政府要求餐廳暫停🚫晚市堂食，我唯有趁下午茶時間🕠少人的時段去食。一如既往，入去餐廳食嘢之前要量體溫。但係呢間餐廳我一入去，餐廳又無提供紅外線體溫器，店員也沒有主動幫我量體溫，直至我提出才幫我量體溫，似乎呢間餐廳的防疫意識不足夠。下午茶時間店內只有數位客人，一看餐牌封面見到「推介」二字吸引我眼球，於是我叫了8號隊長肉餅湯麵餐。
1至8號蕃茄湯麵餐的蕃茄湯底都有4️⃣款比你揀，分別有香芹蕃茄湯、酸菜蕃茄湯、黑胡椒蕃茄湯、同埋風味辣蕃茄湯。下午茶餐牌的蕃茄湯麵餐會平好多，不過下午茶餐牌無隊長肉餅湯麵餐依款揀。大家唔想食蕃茄湯麵，呢度都有提供特式飯餐、常餐、同埋特色小食比大家選擇。
隊長肉餅湯麵餐(2塊)配熱菜蜜(3/5)🌕🌕🌕🌑🌑
講翻我叫個餐先，8號隊長肉餅湯麵餐(2塊)，配熱菜蜜，$52 。價錢方面$52黎講的確比較貴，依個價錢係荃灣的確有幾多的選擇。下午茶時段野食黎得幾快，賣相唔差，大大塊蕃茄🍅、肉餅、同埋其他配料，餸多到麵都見唔到，其實係麵少到見唔到。飲啖湯先，蕃茄湯底比較淡，勝在湯麵食不到味，蕃茄整的麵條煙煙韌韌，口感幾特別，唔係好爽口鮮甜，唔係其他麵店的濃郁。肉餅兩塊都算是大大塊，厚身，食落去不過不失，每啖都可以大大啖，味道口感比較普通，如果可以有芝士或者其他配搭會更好。最後個杯跟餐的熱菜蜜，比較啖，啖而無味，溝得太多水，當日天氣比較凍，杯熱菜蜜算是帶了一絲溫暖。
8號隊長肉餅湯麵餐(2塊)
$52
28 瀏覽
1 讚好
0 留言
整體來講，隊長肉餅湯麵餐價錢偏貴，味道健康，食唔到味精，肉餅大大兩塊，不過不失，而至於杯熱菜蜜啖而無味。疫苗期間，餐廳可能因下午茶時段而防疫意識似乎不太足夠。對於我來講，麵的份量比較少，食完都唔夠飽。最後，我都想推薦比大家，味道無味精，而且蕃茄整的麵條值得一試，加上健康為重的一年，大家不妨可以過黎正品蕃茄湯麵店試吓。
張貼
