影片
更多
2016-08-15
1139 瀏覽
今日難得放假同老公去左lee間米芝連介紹既點心店。一早去到巳經好多人排隊。可能因為我地得兩個，所以好快就可以入到去。門口裝橫綠色普普通通。入面天花就掛左好多白色雀籠。感覺同一般茶樓唔同有點fushion味道。坐位唔太迫但又不能講得上係寬敞。點心紙得一面，但好多野都想試。4件既海皇芝士千絲卷-外脆內暖。入面仲有鮮蝦同芝士。係必食之選。皮蛋义燒腸粉勝在夠特別！皮都好薄！叫到成枱都係！ 我地仲叫左蝦餃,藥膳雞腳，棉花雞同奶皇流沙飽。蝦餃同藥膳雞腳一般。有點失望是蝦餃皮有點厚，但蝦是有鮮味的。藥膳雞腳就唔夠味。同埋好油！雖然我知雞腳加湯會油，但好似又過份左。另外叫左下面個不得不提既原隻鮑魚燒賣。Lee 個係食完都回味（好似好誇張）?都唔誇，因為隻鮑魚一食係超有鮑魚味，本人都去過唔少其他酒樓食過所謂既原隻鮑魚燒賣，但係無味。$27兩隻真係超抵食！記得去到要點呀！下面個奶黃流沙飽都係必叫之選。奶黃多到流出黎！唔係好似有d酒樓入面係乾左既奶黃，亦非常有蛋黃味。最後食飽又好想試下佢地既甜品。叫左椰汁桂花糕同茫果布甸。椰汁桂花糕賣相就好味，但其實無乜桂花味，整體係非常淡。至於茫果布甸就好入味，重茫果味之
門口裝橫綠色普普通通。入面天花就掛左好多白色雀籠。感覺同一般茶樓唔同有點fushion味道。坐位唔太迫但又不能講得上係寬敞。
點心紙得一面，但好多野都想試。
4件既海皇芝士千絲卷-外脆內暖。入面仲有鮮蝦同芝士。係必食之選。皮蛋义燒腸粉勝在夠特別！皮都好薄！
叫到成枱都係！
我地仲叫左蝦餃,藥膳雞腳，棉花雞同奶皇流沙飽。蝦餃同藥膳雞腳一般。有點失望是蝦餃皮有點厚，但蝦是有鮮味的。藥膳雞腳就唔夠味。同埋好油！雖然我知雞腳加湯會油，但好似又過份左。另外叫左下面個不得不提既原隻鮑魚燒賣。Lee 個係食完都回味（好似好誇張）?都唔誇，因為隻鮑魚一食係超有鮑魚味，本人都去過唔少其他酒樓食過所謂既原隻鮑魚燒賣，但係無味。$27兩隻真係超抵食！記得去到要點呀！
下面個奶黃流沙飽都係必叫之選。奶黃多到流出黎！唔係好似有d酒樓入面係乾左既奶黃，亦非常有蛋黃味。
最後食飽又好想試下佢地既甜品。叫左椰汁桂花糕同茫果布甸。椰汁桂花糕賣相就好味，但其實無乜桂花味，整體係非常淡。至於茫果布甸就好入味，重茫果味之餘最欣賞佢既係份3杯細細的。一般去酒樓叫都係一大碗，Lee 個剛剛好程可以分享，唔洗一個人獨食添！
總括黎講叫左咁多都只係$187, 茶錢都只係$3！！非常抵食。見意籠太子可以0係某d點心加翻多點味。我食開都唔食太甜或太咸，但真心覺得有好幾個點心同甜品係無味的。不過都會推介俾朋友！ 提外話：聽見有個比較高級既直接好大聲話樓面做野唔0岩等等。意見話同事應不要在客人面前，第一衛生問題，噴到人地前面野食周圍口水。二係破壞人地放假氣氛，加上0係客人前有必要咁急鬧同事嗎？
張貼
