香辣鮮

營業中

休息中

難得約到幾個女仔朋友飯聚，特登揀咗間有胡椒豬肚湯又有雞煲嘅餐廳，同店仲有麻辣小食同串燒可以叫，啱晒幾個朋友盡情飲飽食醉！鹹酸菜胡椒豬肚雞胡椒豬肚湯非常香濃，鹹酸味適中，雞件入味得嚟又好足料，冬天嚟食夠晒暖胃。奇味雞煲朋友唔係好食得辣，所以我哋今次揀咗唔辣嘅雞煲。雖然唔辣，但係味道依然惹味，雞件又滑又多，下次要試下辣味！爆蒜泥白肉名副其實嘅爆蒜泥，蒜泥鋪滿全碟，豬腩肉片又勁嫩，食完依碟好有驚喜！麻辣豬耳麻辣小食當然唔少得麻辣豬耳，豬耳爽口彈牙，鍾意佢麻得嚟夠辣，又唔會搶咗雞煲同胡椒豬肚湯嘅味道，配搭一流！