麵屋一京 (已結業)

一京·真極上拉麵 $108迷人嫩粉紅色的 真·叉燒，先用岩鹽醃及熟成，再用真空低溫煮法，所以肉質鮮味又柔軟，好似外國醃火腿既味道，但無咁咸，同較嫩腍。湯底用豬骨與蔬菜熬制，濃而不膩，而且加入背脂令湯底更鮮甜芳香，係咸左少少。一京·極上拉麵 $98同真極上拉麵既叉燒有少少唔同，呢款煮熟的叉燒，亦用低溫烹調，所以都好腍好柔軟，而且薄切口感更嫩，鋪滿一碗以為好多，但其實得薄薄6片，有點不夠。豚骨湯底同樣加左背脂，味道係香濃更多。糖心蛋都好有蛋黃香，不過唔係味玉，所以蛋白無咩味。用幼身麵，但好有質感，煮得剛好，不腍不硬，拉麵微彈有小麥粉的香味，也掛到湯汁，順滑入口清爽。