譚仔三哥米線 (希爾頓中心)

營業中

休息中

幫襯左譚仔同譚仔三哥幾年，還以為日本丸龜製麵收購後，可令侍應態度會轉好添。譚仔同三哥之前請啲鄉音侍應就無可厚非，現在丸龜製麵作老闆就咪攞啲鄉音侍應拍片黎做綽頭啦。我試過叫冬姑，張單變左金菇；單人光顧侍應要我揸住碗麵起身幾次走位讓座，好難受；單人光顧想先上厠所，就比侍應問左兩次唔幫襯就無得去厠所；一張小圓檯侍應迫八個可能唔識嘅大人同坐；啲盪熱米線經常都擦身而過。真係真珠都無咁真。偉華中心、沙田廣場同鼓油街幾間侍應的態度是最差勁。日本公司待客態度一向有好評，希望有所改進啦。留言在譚仔facebook又被封了，借此留言抒發心中不滿。