大吃大喝 (彌敦道)

營業中

休息中

幾年前由喺舊舖窩打老道嗰陣時, 已經有留意到食過幾次, 最鍾意係食佢啲滑蛋, 厚切午餐肉同埋咸牛肉三文治, 仲記得之前係跟餐加五蚊雞送豆漿或者薏米水！ 而家好似冇咗豆漿啦, 對上一次食好似係跟餐加錢飲奶茶.而家搬咗去彌敦道, 味道始終如一, 不過加咗少少錢. 原因可能係彌敦道舖租貴啲！不過唔緊要貴少少都係值得, 因為真係好食.其實之前都有試過沙爹牛肉滑蛋三文治, 啲牛肉真係好滑好有牛肉味同沙嗲味真係好好食, 同埋呢隻香蔥芝士咸牛肉滑蛋三文治的確一讚, 近排又出咗幾個新口味叫做表弟、元氣、 Double、西西里同松露安格斯牛肉, 真係要食多幾次試下啲口味 係咪真係咁得先.