黑澤先生私房菜

營業中

休息中

朋友閒時網上搜索…好難得搵到呢間位處於新界區既私房菜…更難得既係廚師係正宗既日本人…唔駛多講…要火速book位啦…所謂既私房菜…真係要拜訪人地屋企架…由於黑澤先生唔識講中文…要靠係香港土生土長既賢內助>黑澤夫人翻譯…所以book位時間多數係夜晚或假日…至於食物方面…已有固定menu...係懷石料理黎…海鮮會不定款式…睇當時盛產…由於約定好時間…一入屋已經有得食啦…首先係一個好精緻既籃仔…有幾款餸菜…前菜係粉絲牛肉…好入味…同埋爽脆青瓜粒…好開胃…sashimi有帶子，魚…帶子極之肥美…魚亦非常鮮甜…真係少食多滋味…而煮物居然有鮑魚…黑澤先生仲好有心思咁左花…唔韌又好咬口…原來鮑魚底下…仲有野食…係野菜類…冬菇、冬瓜…個汁非常清甜…唔怪之得鮑魚咁甜味啦…另外有旦烏冬…要加豉油撈勻食…有d似媽媽既私房菜>豉油撈旦飯…日式烏冬除左夠哂煙韌彈牙之外…雞旦亦比較生同滑…完全係另一種感覺…至於和風清湯…有不少金菇、洋蔥…清清地幾好味…天婦羅係新鮮炸出黎…係野菜類…南瓜、露荀…粉漿鬆薄而唔油膩…最後仲有個天婦羅野菜飯…係甘荀，蘿蔔…一d都唔heavy...懷石料理就係樣樣款式有d…