法國飯店

營業中

休息中

之前喺屯門群組嗰度見到好多人介紹黃金海岸有間幾好嘅法國餐廳，今日去開呢邊玩，所以就試吓到底係咪真係咁好食！呢個蕃茄龍蝦汁海鮮意大利飯又幾好食，份量都唔會太少啱啱好，海鮮都好新鮮，米飯吸收哂啲龍蝦汁，超級濃郁嘅味道🥰好好食！而黑松露野菌湯真係真材實料，除左每啖飲落都有好豐富口感嘅蘑菇，而佢嘅黑松露味都好香濃，啱晒鍾意黑松露嘅朋友！絕對推介大家試吓🤤跟住就係風乾火腿蕃茄醬焗燒春雞配紅酒汁，大大隻燒春雞，大大啖食落去都覺得好鬼死正！仲要啲肉又十分之滑！加埋蕃茄醬酸酸甜甜咁，就連平時唔鍾意食雞嘅朋友都話幾好食。