太興 (新文華中心)

營業中

休息中

又係同朋友講住要做嘢，所以快快脆脆諗住買個燒味飯食搞掂就得，其中一樣嘢就係貪佢個位置方便，響紅磡地鐵站過咗行人天橋行落嚟就已經見到，所以位置方面係幾好嘅。不過好嘅已經講完啦，其實我個朋友已經堅持咗幾次響泰興買外賣，每次都係想要肥叉燒飯多汁，佢哋每次落單都係有呢個選項，寫明係肥叉，都寫明多汁，系統都做得好清楚。不過個重點係從來冇一次我哋係食到有肥叉燒嘅，不特止，仲要每一次都係瘦叉燒，仲要係好乾嗰隻！作為一間主打宣傳燒味嘅餐廳，實在點都講唔去，我會寧願你話俾我聽冇，或者冇得選擇，但係點解要寫明係肥叉但係又要不斷比瘦叉燒呢？仲要一啲都唔多汁，亦都係每次都冇多個汁！唔係失望，係超級反感！所以我都好無奈地一定要比差評，同埋已經同我朋友講過以後都唔好再去，反正大把地方有得食唔錯嘅叉燒飯，同埋都真係會尊重大家嘅選擇盡量俾返客人需要嘅燒味俾人，所以以後都唔會再去泰興，如果有人講開就會分享呢件事，希望佢哋會有所改善，都衷心祝福佢哋好運。