影片
更多
2017-10-02
408 瀏覽
新嘅餐廳，古典嘅裝修，精美嘅美食。通通在這裡都可以找到。除咗火鍋之外呢度仲會有唔同類型嘅川菜可以食到，見好多人點川菜放置得非常之靚，未食都已經感覺到，但係今日我哋就集中打邊爐，實行一路烚，一路傾。一邊就叫咗麻辣湯底，另外一邊就叫咗龍蝦湯湯底。特別想講下呢度嘅麻辣湯底，味道真係好惹味，就算普普通通烚一舊肥牛落去，不足10秒肥牛都已經吸收到麻辣嘅味道。既然講開肥牛就繼續講埋落去，呢度嘅牛用咗手切特選新鮮牛頸脊。厚薄適中，顏色鮮紅吸引，油脂分泌剛好，咬落去有咬口，有濃濃嘅牛味。係上好的貨色。想講一講呢一個豬天梯，平時真係買少見少。同埋如果唔係同D朋友一齊食嘅話我根本唔敢嗌呢一個，因為望落去好似好恐怖咁樣，但係估唔到食落去好爽身，佢本身嘅味道唔重，所以要放落去麻辣湯底嗰度食。海鮮雪山拼盤，可能你會話我孤寒，但係平時兩個人呢就真係唔捨得叫呢一個，而且都食唔晒。入邊嘅聖子王十分之大隻，厚肉爽口，放清湯都好食。桂花蚌都係新鮮之選，記住唔可以烚咁耐，放返落去大概10秒到見到佢收縮就好食啦。仲有桶蠔，雖然好似好普通，但係每一次火鍋都係必叫嘅嘢嚟嘅，呢到叫價錢十分之平，只需＄158就已經有一桶，分分鐘平過
一邊就叫咗麻辣湯底，另外一邊就叫咗龍蝦湯湯底。特別想講下呢度嘅麻辣湯底，味道真係好惹味，就算普普通通烚一舊肥牛落去，不足10秒肥牛都已經吸收到麻辣嘅味道。
既然講開肥牛就繼續講埋落去，呢度嘅牛用咗手切特選新鮮牛頸脊。厚薄適中，顏色鮮紅吸引，油脂分泌剛好，咬落去有咬口，有濃濃嘅牛味。係上好的貨色。
想講一講呢一個豬天梯，平時真係買少見少。同埋如果唔係同D朋友一齊食嘅話我根本唔敢嗌呢一個，因為望落去好似好恐怖咁樣，但係估唔到食落去好爽身，佢本身嘅味道唔重，所以要放落去麻辣湯底嗰度食。
海鮮雪山拼盤，可能你會話我孤寒，但係平時兩個人呢就真係唔捨得叫呢一個，而且都食唔晒。入邊嘅聖子王十分之大隻，厚肉爽口，放清湯都好食。
桂花蚌都係新鮮之選，記住唔可以烚咁耐，放返落去大概10秒到見到佢收縮就好食啦。
仲有桶蠔，雖然好似好普通，但係每一次火鍋都係必叫嘅嘢嚟嘅，呢到叫價錢十分之平，只需＄158就已經有一桶，分分鐘平過自己係街買。
一班人打邊爐最好嘅地方就係可以叫好多唔同類型嘅嘢食，唔使淨係食一兩樣嘢咁齋，再煮朋友仲可以介紹好多特別嘅嘢俾你食，擴闊自己嘅味蕾。
張貼
