小蝶 (已結業)

今日又如常同同事HAPPY FRIDAY LUNCH, 去左小蝶, 佢D野食真係碟碟點心SIZE架, 我地一行四個女仔, 所以份量岩岩好, 可以試多幾款. 小妹本身都幾好糯米雞, 呢款煎的食法唔係成日都有, 而呢度整得個面好乾身, 唔油, 裡邊D料就好JUICY, I LIKE IT!呢個餸我覺得似蛋白苦瓜梳乎厘, 好得意, 唔係度度都有, 又見到有其他食評介紹所以想試下, 但食落無乜味, 真係好"清", 似乎只有賣相得. 個素菜餃D餡料爽脆多汁, 個皮都幾薄, 唔黏, 口感不錯! 有水準!本人好鐘意食咕囉肉同菠蘿飽, 呢個點心結合了我的至愛, 佢將個菠蘿飽返轉再自己放D餡上去, 都幾好玩,  不過都係一D噱頭野, 味道OK, 食起上黎有少少論盡.自己動手做咖喱牛腩批, 呢個幾得, 個酥皮批熱辣辣, 同D咖喱牛腩汁個味好夾! D牛腩都好淰, 值得推介!店內環境以蝴蝶為題, 坐位寬敞, 服務細心, 係一個可以再來的地方, 唯獨是係呢度都唔平架