蔦 (已結業)

晚飯時間係銅鑼灣拉麵街，見到有間米之蓮就入黎試試。裏面幾日式，但係放餐具個位又好中式，不過都算有特式嘅。叉燒拉麵，湯未算好濃，但同叉燒好夾。叉燒薄切，好腍，易咬斷，但麵未算好日式，唔識講，可能太韌？鴨肉叉燒拉麵，貌似相當特別，仲有啲調味係上面，又有啲沙律菜，係拉麵黎講算係好新穎，因為通常放紫菜咖嘛。湯底十分濃郁，但同上面個麵一樣偏韌，然後舊肉更韌，一食就全舊食落似鴨胸，即時有啲打折扣，或者口味問題，我覺得咁樣好容易一係得麵一係得鴨肉嘅感覺，夾唔埋...整體黎講稍貴,可能地區問題，同埋未好似米之蓮餐廳咁驚艷...