Grom (已結業)

由細到大，一向都唔好食太貴價雪糕。原因係我覺得幾好食既雪糕，都分別唔大。什麼哈根大師,dry吃屎, 焗雞飯，都係名過其實。但今次.....今次真係令我對頂尖雪糕界既雪糕改觀了。就係呢杯雪糕，令我有味蕾上既感動。叫左兩球雪糕，畢滿晒整個杯， 然而我覺得仲係唔夠喉。 嗰度有成幾十種味道俾你揀，我就投其所好揀咗最出名最多人食嘅開心果味同埋雪梨味。嘩~開心果味雪糕真係好好食呀嗰雪糕幼滑嘅口感，我真係從來冇喺香港任何地方食過。而開心果味係好濃郁，就好似擺曬成咋開心果喺個口度咁濃。味道雖然係甜，但你食過一啖之後，就會好想好想繼續食落去，停唔到口。而雪梨味雪糕嗰個口感竟然係唔同開心果味嗰個㗎!雪梨嗰個口感比較似雪葩。當然味道亦都係好香濃嘅雪梨味，就好似食緊一個新鮮嘅雪梨咁樣又凍又甜又好食。兩個球既雪糕雖然一杯仔要58蚊，但係我竟然食完之後覺得係值回票價架。如果你都想食雪糕有一個唔同體驗嘅話，我推薦你都去試下grom 既意大利雪糕。