亞萊泰 (黃大仙中心北館) (已搬遷) 新店位置

今日係星期日一家人一早起身出咗去食早餐 去到哩間舖頭都好多人 都明白星期日多人 但門口又冇得拎飛 又冇人幫手 門口放外賣仲多過客人 諗住入去睇下有冇人幫幫手 拎飛定點啦 竟然冇人理 仲要有幾個侍應同我有眼神交留都唔幫幫手 直行直過 真係無奈到極致 所以如果想試嘅人最好唔好星期日去喇 個人覺得早餐係有啲吸引 因為有個冬蔭公湯粉面餐 如果唔想成日食茶記早餐 可以一試哩間 不過服務就真係有待改善 有機會等佢冇咁多人嘅時候再來試試 再同大家分享 希望唔好再係咁🤦🏻‍♂️