意堡

營業中

休息中

今日去左牛頭角呢個小店，唔容易搵到喺巷仔入面，不過呢個小店得老闆一個打理都做得非常出色，仲有貓貓走黎走去同我地玩。🍔 香草雞扒漢堡 $45呢度嘅漢堡上菜係打開比你睇，雞扒勁厚切，老闆仲好貼心有剪開少少方便咬，咬落去非常之多肉汁，再加埋有汁有少少辣食落好惹味。🍝自家醃制豬頸肉意粉 $55呢度除左漢堡出色，意粉都勁正，豬頸肉超厚切仲要煎得勁香，咬落勁juicy，個意粉係用左蒜蓉同黑椒去炒勁香，我覺得仲好食過出面百幾蚊一碟嘅意粉🤤🍗七味粉蒜香單骨雞翼(3隻）$22🦑忌廉芝土汁墨魚肉 $30兩款小食都唔錯，雞翼炸得好香脆又好夠七味粉，墨魚又唔會韌同個芝士汁都幾夾。🫕 是日餐湯 $7🥤自家制檸檬薏米水 $7呢個嘅野飲都幾平又好飲，餐湯係忌廉湯幾鮮甜，薏米水就幾清新好解膩。