孖寶車仔麵 (已結業)

好耐冇食過車仔麵喇！有日發覺荃灣開左間新車仔麵店！今日突然想食專程去試下！🥳呢間店特登裝修成舊式香港咁！仲有重點！店內既姐姐係講純正廣東話！係真香港風味呀😇!!$45三餸連野飲 凍飲加三蚊！價錢中等啦！始終明白地舖舖租貴！我叫左米線加腩汁🥰佢會配搭2條生菜🥬麵唔算好大碗 平時細食既我都食得曬！特別想大讚佢個腩汁😆好鮮甜好香！令到成碗麵生色好多！仲有！大讚佢既菜甫！我加左辣菜甫落碗麵到！變得超香超惹味🤩好鍾意！老公叫左油麵！佢都話好滋味🥳佢大讚牛雜！雖然要另加錢！但佢話好值！老公唔係好夠飽加左魚肉碗仔翅！好足料！唔會似街邊檔咁稀！仲有老公點名讚佢個奶茶☕️！佢話菜味好香滑🥰