碼頭故事 (已搬遷) 新店位置

去完旅行番香港最想吃就係火鍋。🤤同朋友提前book左位到裝修古色古香的碼頭故事吃麻辣火鍋。湯底點左牛油鴛鴦鍋(一半麻辣一半菌湯鍋)。重點推薦大家麻辣湯底，麻香味十足，基本上唔需要任何醬汁，食材加入湯底滾一滾已經入曬味，我和朋友一致覺得湯底出色。😋不吃辣的朋友可試雜菌湯，湯底看似普通，但其實有濃濃的菇味。火鍋料點左安格斯肥牛，肉味濃郁，口感嫩滑，一上檯我地就光速吃完。😝另一驚喜是第一次吃到的千絲牛舌，見好多人推介，真是充滿驚喜。牛舌切成絲狀，已經調好味道，加入湯底滾幾分鐘，好香的麻辣味，好好吃。🤤吃麻辣鍋一定要叫鮮鴨血，鴨血放入湯底5分鐘，吸收了湯汁，依然嫩滑，無得輸。👍🏻第一次吃牛黃喉，口感爽脆彈牙。為左減輕吃火鍋的罪惡感，我們點左好多菜，包括蓮藕片、山藥和水晶土豆片。 蓮藕片夠厚度，吸左湯汁精華好入味又夠口感，大推。😋 朋友平時好喜歡吃山藥，所以相當滿意。如果土豆片有蓮藕片的厚度，我會更加喜歡。 總結是湯底夠出色，無論加入任何食材都會好好味。😂小食點左朋友最喜愛的紅糖糍粑，糍粑外脆內軟，朋友一個人食左8件。😂值得一讚是職員非常細心有禮貌，好滿意。👍🏻