快靚正燒味粉麵茶餐廳 (已結業)

晚晚諗食咩餸諗到頭都大埋，所以今日諗住去買啲燒味，炒碟菜就算啦！收工就過咗嚟深水埗間快靚正燒味鋪外賣斬料返屋企！我哋揀咗燒腩骨、叉燒同油雞🤤燒煵骨雖然外賣返屋企，但個皮仍然都係脆口嘅，腩肉肥瘦肥瘦，咬落去腍腍地， 但又好有嚼口😋叉燒叉燒望落去好似好瘦，以為咬落去會好硬啦！點知咬落去肥瘦適中，一啲都唔硬，而且外層帶有蜜糖嘅甜味，肉質就鹹鹹地，十分美味👍油雞呢隻油雞值得一讚，我叫咗雞髀位，一啲都唔肥，唔會似出邊啲雞一樣有一層厚厚嘅雞油，而且雞肉仲十分之嫩滑，配埋蔥油一齊食，正🤤