沐白小農 (已結業)

同事知我中意飲芋頭鮮奶，佢一直都有同我講沐白的芋頭鮮奶好好飲，但因為好少去荃灣同元朗，所以一直未有機會試，知道佢係尖沙咀開左分店，冇可能唔去試下既!這間飲品店位於寶勒巷麥當勞隔離，而且並不是只供買野飲的地方，原來內裡還有位置供人坐低飲用，而且一D都唔局促，店內還提供插頭俾你差手機，是不錯的服務。跟朋友三個人點了3杯不同的飲品大家可以互相試下。大甲芋頭鮮奶($30)，我當然點這杯飲品試試啦!鮮奶是用上明治鮮奶，非常香滑，差不多有3分1杯是芋泥，芋泥唔會好甜，搖勻後飲好香滑而且好香芋頭味!唔會係假甜的味道!沐白黑糖波霸鮮奶($30)，呢款又係呢間店推介的飲品。鮮奶一樣是很滑，黑糖唔會係死甜，波霸很彈牙，唔會淋淋的!如果本身唔太中意飲太甜既，甜呢杯黑糖波霸鮮奶都唔會太甜!金柑檸檬($26)，這杯飲品好岩食滯左既朋友，酸酸咪咪，夠哂開胃消滯!總括黎講，係尖沙咀行到攰攰黎呢度買杯野飲坐下都唔錯，而且飲品高質，值得再次光顧!