蕃茄仔

營業中

休息中

哩間餐廳主打蕃茄🍅湯底麵食，可以自行配搭唔同既麵類🍲同主食，仲可以選擇性加配唔同既配菜同飲品，總有一款岩你心水。如果蕃茄🥫唔岩胃口都唔緊要，仍然有惹味拌麵或者是日精選湯底既麵類提供。炭燒風味雞扒配刀削麵 $62與其話哩個係蕃茄🍅湯底，不如話係蕃茄蓉底。質地非常之稠密同濃厚，食落係酸酸甜甜既清新蕃茄味，配上少少香草既調味，非常有田園🥗既風味，唔似出面好多既蕃茄湯底咁用茄膏﹑茄汁或者糖🧂去調製。望入廚房就見到職員用篩不斷過濾蕃茄蓉，所以即使入口濃稠，但完全感覺唔到渣😚。湯底配上大量炸蔥蒜🧄同鮮蔥粒，更加提升左佢個味道，唔會太單調。至於雞扒🐔，我覺得好驚喜，外皮煎得好乾身而香脆，平時唔食雞皮既我都忍唔住食哂，一啲都唔肥膩。雞扒調味簡單，食得返雞肉本身既味💦，加上上面黑色一PAT類似醬油膏咁咸咸地既汁，同成碗蕃茄麵好夾。牛魔王(牛腱﹑牛肩)配葛絲 $78朋友話兩款牛既部份都煮得軟硬適中，牛味🐮香濃。而葛絲就係類似薯粉加粉絲咁，非常索汁同掛湯🍜。其實朋友初初提意食哩間餐廳，我本身無咩期望，本住支持良心店舖💛出發，點知結果係有驚喜，而我都好推薦大家黎試下🤤。