顏府御膳 (已結業)

朋友話我呢排做野辛苦，話搵左間高級中菜餐廳請我食，等我開心下咁話。餐廳嘅格局以中式為主，燈光比較暗，但十分有情調。台同台之間相隔甚遠，每台食客都有自己嘅私人空間，同朋友聊天談話都不會被隔離枱聽到，呢部分我係十分欣賞。蜜糖合桃合桃炸到脆卜卜，外面係蜜糖包住，超好食嘅小食青瓜海蜇頭我係一個超級鍾意食海蜇嘅人，呢度嘅海蜇頭大大粒超級爽脆，作為開胃小菜，非常出色。青瓜嘅鮮甜，為喉嚨帶嚟清新refresh嘅感覺。尖椒皮蛋冇諗過皮蛋嘅份量比想像中多，木柵依度起碼有三隻皮蛋嘅份量。辣椒油嘅香味伴著芝麻嘅香味連埋皮蛋一齊食，又刺激又夜魅又開胃。呢個辣度對於我嚟講啱啱好，唔會辣到受不住。天府酸菜桂花魚（細）一上枱，淡淡的油香伴住魚香飄入鼻。雖然係細分嘅酸菜魚，但份量一啲都唔少，兩個人食綽綽有餘。入面有大量嘅魚片、芽菜、粉絲、萵筍、豆皮。蘆筍炒帶子蘆筍爽口，帶子彈牙。大大粒白色嘅帶子加上翠綠嘅蘆筍，又好睇又好食。而且一啲都唔油膩，好啱我哋啲健康人士。下次黎銅鑼灣，又多一個美食選擇！