EXP

營業中

休息中

🦀軟殼蟹炒意粉（$102 ）🍝大約一隻軟殼蟹，熱辣辣，炸到脆卜卜，但係略嫌炸粉有啲厚，食落有啲油，不過加埋洋蔥一齊食就冇咁漏。個意粉口感唔錯，有啲咬口。味道係類似大阪燒嗰隻醬嘅味道，少少酸酸鹹鹹，解軟殼蟹嘅漏。🌶️（ 辣）日式白咖喱炸雞（ $92 ）🐥白咖喱汁嘅味道其實唔差，亦都唔係好辣，唔食得辣嘅人都食得度，可惜啲汁太少，點得雞嚟又唔夠撈飯。炸雞球冇乜特別。🍊酸果出擊（ $37 ）🍎杯果汁用咗橙、西柚、百香果同埋蘋果榨汁，飲落主要係citrus嘅味道加咗少少百香果味，蘋果味唔出，不過唔影響成杯飲品嘅味道，比我想像中好飲。