Marco's Oyster Bar & Grill (港灣豪庭廣場) (已結業)

朋友請我睇Mirror六子演唱會，喺一票難求嘅情況之下竟然有人請，所以都諗住請佢食返幾餐飯先。第一炮就揀咗喺佢屋企附近嘅Marco’s Oyster Bar & Grill，幾年前都有試過喺佐敦食過Lunch，都覺得幾好味。所以知道大角咀有就嚟試吓。一嚟就即刻叫咗D生蠔食吓先。揀咗三款口味，包括：- 美國Pacific Rock 半打- 法國St. Vaash 兩隻- 法國Four Season兩隻味道我就比較鍾情Four Season海水味較濃。然後就叫咗個湯，湯係牛肝菌忌廉湯，超濃郁嘅牛肝菌味道，啱哂我口味。隨後上個意粉之前，可以睇到佢哋煮意粉嘅過程，有得睇有得食，意粉係卡邦尼，用咗原個大嘅芝士煮溶加落意粉到一齊煮，食落嘅味道同平時食嘅卡邦尼意粉真係好大分別，芝士味好濃，值得一試！怕朋友唔飽，就另外點多個芝士火鍋，配料包括麵包、薯仔同埋車厘茄。第一次食芝士火鍋配車厘茄，估唔到兩個味道配合埋又幾夾。最後上埋個心太軟甜品，呢餐超滿足。