影片
更多
2020-01-06
2135 瀏覽
勢估唔到喺淘大花園入面竟然有一間冰室喺戲院 門口， 見到戲院仲諗緊係咪要買完飛先買得， 因為見到戲院食物嘅價錢同佢完全唔相稱，心諗邊有可能一個常餐賣四十幾蚊咁抵呀，但原來真係咁抵同埋呢間係人人都可以入去嘅。🍜十字冰室常餐 $46常餐有提供幾款餸，可以任揀兩款餸配出前一丁麵， 跟一個十字奶炒蛋同多士仲有一杯嘢飲添，而餸個方面今次我就揀咗五香肉丁同埋黑糖雞翼，嘢飲就揀咗凍十字鮮奶。講下個炒蛋，食落去都算香滑， 牛油多士就係正正常常普普通通咁啦。至於個麵入面嘅黑糖雞翼我覺得非常好食，唔係乾爭爭，好嫩滑，有少少似蜜糖雞翼不過冇咁甜 。🤤 至於五香肉丁個味同出面無分別，正常野。 出前一丁味更加唔使講啦，佢會另上包裝麻油，落完香味撲鼻。十字鮮奶咁多年都係維持嗰隻味，不過無論凍熱都要加四蚊，要唔要飲就睇你自己啦。以$46正常一個常餐，有咁嘅質素都算係okay.
🍜十字冰室常餐 $46
常餐有提供幾款餸，可以任揀兩款餸配出前一丁麵， 跟一個十字奶炒蛋同多士仲有一杯嘢飲添，而餸個方面今次我就揀咗五香肉丁同埋黑糖雞翼，嘢飲就揀咗凍十字鮮奶。
講下個炒蛋，食落去都算香滑， 牛油多士就係正正常常普普通通咁啦。
至於個麵入面嘅黑糖雞翼我覺得非常好食，唔係乾爭爭，好嫩滑，有少少似蜜糖雞翼不過冇咁甜 。🤤 至於五香肉丁個味同出面無分別，正常野。 出前一丁味更加唔使講啦，佢會另上包裝麻油，落完香味撲鼻。
十字鮮奶咁多年都係維持嗰隻味，不過無論凍熱都要加四蚊，要唔要飲就睇你自己啦。
以$46正常一個常餐，有咁嘅質素都算係okay.
張貼
