小島•澳門菜 (已結業)

今晚同小學同學去睇《數碼暴龍Last Evolution絆》，睇之前去戲院隔離既小島•澳門菜食晚飯。揀呢間係因為貪佢憑當日戲飛有九折，但只限散叫先有折。睇完餐牌，我地本來只係叫左葡式香烤乳豬伴薯菜同澳葡鴨肝芝士牛肝菌焗鴨飯，但發現唔夠飽，再追加辣肉腸松露芝士豬扒包伴田園沙律及薯條。葡式香烤乳豬伴薯菜果然係招牌，乳豬皮脆肉嫩，口感卜卜脆，薯菜都唔少，但唔夠脆。澳葡鴨肝芝士牛肝菌焗鴨飯個鴨肝最好食，好香口，入口即溶。不過太細份，有啲唔抵。辣肉腸松露芝士豬扒包伴田園沙律及薯條，豬扒厚身，咬落口感豐富，沙律醬甜甜地，夾埋幾好食，好邪惡。