影片
更多
2017-02-12
5895 瀏覽
琴晚約左朋友喺元朗晚餐，本來心目中已有想食嘅餐廳，但好衰唔衰上左車，喺openrice摷地址，先知嗰間餐廳原來星期二休息我同朋友腦袋一片空白，完全冇乜諗法，唔知食乜好。繼續瀏覽openrice，隨口近乎係點指兵兵就揀左呢間當日排行18嘅元朗餐廳，見價錢唔貴，好評都唔少就決定一試。去到遠處已經見到佢地嘅招牌，原來就喺倫哥火鍋隔離。樓下有個店員話有個2/4/6人套餐琴日先推出，吹水？ (其實事前我地已經睇過呢個餐嘅食評)不過冇所謂啦，我地都係打算食呢個餐。如果佢啲食物係好食有水準的話，呢個餐係好抵。不過有時平野就係不能要求太多，以下係中伏經過。一入門口，門外職員經即時歡迎，精神奕奕。枱面上有兩碟小食：花生、木耳，同好多酒樓做法一樣，一早放定喺枱面，如果唔食記得同店員講聲，因為問左會收10蚊的。食飯時間黎到，客人都算話好多，畢竟唔係地鋪，感覺都係熟客較多，同職員有講有笑的。按原定計劃，點個套餐 (供應時間：星期一至五 5:30pm - 11pm) 視乎個人選項，基本上都好夠食。二人餐 $218 +菊花茶 (晚市茶位: $8/位，另設加一)1) 雲吞雞湯 / 酸辣湯 / 翡翠鮮魚羹，選一翡翠鮮
我同朋友腦袋一片空白，完全冇乜諗法，唔知食乜好。繼續瀏覽openrice，隨口近乎係點指兵兵就揀左呢間當日排行18嘅元朗餐廳，見價錢唔貴，好評都唔少就決定一試。去到遠處已經見到佢地嘅招牌，原來就喺倫哥火鍋隔離。
樓下有個店員話有個2/4/6人套餐琴日先推出，吹水？ (其實事前我地已經睇過呢個餐嘅食評)
不過冇所謂啦，我地都係打算食呢個餐。如果佢啲食物係好食有水準的話，呢個餐係好抵。不過有時平野就係不能要求太多，以下係中伏經過。
一入門口，門外職員經即時歡迎，精神奕奕。
枱面上有兩碟小食：花生、木耳，同好多酒樓做法一樣，一早放定喺枱面，如果唔食記得同店員講聲，因為問左會收10蚊的。
食飯時間黎到，客人都算話好多，畢竟唔係地鋪，感覺都係熟客較多，同職員有講有笑的。按原定計劃，點個套餐 (供應時間：星期一至五 5:30pm - 11pm) 視乎個人選項，基本上都好夠食。
二人餐 $218 +菊花茶 (晚市茶位: $8/位，另設加一)
1) 雲吞雞湯 / 酸辣湯 / 翡翠鮮魚羹，選一
翡翠鮮魚羹
比起叫羹，佢個質地又未算係，但又杰過湯。
夠熱嘅，睇落唔太油，清清地，裡面有菜碎、魚粒
但好奇怪，朋友嗰碗係淡到佢要加豆瓣醬，我嗰碗係鹹鹹地…
翡翠鮮魚羹
38 瀏覽
0 讚好
0 留言
雞絲粉皮
睇個賣相都唔錯啦，靚靚仔仔咁，而且比想像中大碟（以為套餐會俾少啲）
可惜我同朋友都覺得一般，雞肉乾身，較鞋口，不過撈左麻醬就唔多覺。
粉皮好薄，但食落好怪，有啲硬。
雞絲粉皮
62 瀏覽
0 讚好
0 留言
京蔥爆牛肉（跟薄餅）
上枱前都幾架勢，店員會將啲牛肉放上塊鐵板度炒兩炒~
京蔥爆牛肉（跟薄餅）
26 瀏覽
0 讚好
0 留言
京蔥爆牛肉（跟薄餅）
24 瀏覽
0 讚好
0 留言
至於薄餅，大夾住牛肉食，可以減輕油膩感，降低鹹度，但實在太頂肚。我同朋友一心諗住仲有個粗炒，所以食左兩塊放低左。（點知個粗炒難食到我地要再番轉頭食呢塊薄餅）
京蔥爆牛肉（跟薄餅）
19 瀏覽
0 讚好
0 留言
灌湯小籠包
居然有4隻，我地對呢個餐嘅份量真係幾滿意。
小籠包一上枱出哂煙，但離奇地放入口又唔會熱到燙咀~
皮唔算話薄啦，但亦都唔係太厚，湯汁係有嘅，唔鹹。老實講，小籠包以言，只係普普通通，過得去。但已經係全晚最好食嘅野。
灌湯小籠包
23 瀏覽
0 讚好
0 留言
上海粗炒
全晚最伏。首先色水唔錯啦，但完全冇味，問店員拎左豆瓣醬勉強試少少，好油膩，最重要係麵條好硬！食左一小碗我同朋友都啃唔落。
上海粗炒
17 瀏覽
0 讚好
0 留言
酒釀丸子
上面嘅食物，一係就冇味，一係就太鹹，黎到甜品，食第一啖以為正正常常，剛好中和食物嘅鹹，但愈飲愈甜…甜到鯨住喺喉嚨
唯一係丸子細細粒，夠煙韌。
酒釀丸子
12 瀏覽
0 讚好
0 留言
材料我估冇大問題，廚房係…水準唔穩定，還是我地同大部分人嘅口味唔一致？
張貼
