囍慶酒家

營業中

休息中

今日同屋企人去沙田凱悅酒店Staycation，就去附近的科學園食晚餐。我哋揀咗呢個矜貴盛宴$1280/4位。蒜茸開邊蒸龍蝦🦞，龍蝦好新鮮，肉質嫩滑，夠彈牙。蒜茸粉絲蒸扇貝，扇貝好大隻，不過蒜茸唔夠入味。秘製酸菜魚，魚肉嫩滑，入面仲有水晶粉，真係食到唔停口。法式焗釀蟹蓋，呢個菜有d失望，因為焗得唔夠耐，蟹蓋唔夠乾身。炭燒黑棕鵝，皮夠香脆，例牌份量唔夠食。韓國大蜆浸時蔬，大蜆新鮮，味道鮮甜。瑤柱蛋白炒飯，飯炒得夠乾身，不過食完其他菜，已經好飽，唔係好食得落。