影片
更多
2012-09-21
1294 瀏覽
同家人食生日飯，選址要方便，早決定左係喺尖沙咀食，但食啲乜就諗左好耐，日式鐵板燒，爐端燒通通考慮過，不過覺得太貴喇，媽媽又話信唔過啲團購，喺 openrice 搵左幾日，終於決定左黎呢間 「The stonegrill 」，見評分唔錯，又有特色而且大家都未試過，Openrice 顯示人均消費係$101-$150，同媽媽一致贊成！七點鍾黎到 , 都己經有唔少人入座 , 環境相當幽雅 , 枱與枱之間好闊落店員知道我地第一次黎 , 都好用心咁向我地介紹 menu , 相當周到 =)我地最後揀左個 citibank 信用咭o既半價星級晚餐 , 有牛肉有海鮮 , 然後加一個三款自選石頭燒 , 一個炒飯 , 仲有一客店員話今日焦點o既帶子 叫完計一計 , 淨係個 citibank 餐都 $ 1000 , 無可能係 $150 內一位喎 @@"野食未到之前, 店員先遞上兩籃面包 , 送上牛油 , 提示我地唔夠可以再叫接住就為我地開好及倒出四杯葡萄汔酒 , 有如較重果味o既白酒 , 唔錯面包唔暖 , 不過幾香脆 , 其中兩片好香香草味 , 點橄欖油加黑醋最夾另外兩面係普通法包 , 我地搽左牛油放上石頭燒
但食啲乜就諗左好耐，日式鐵板燒，爐端燒通通考慮過，
不過覺得太貴喇，媽媽又話信唔過啲團購，喺 openrice 搵左幾日，
終於決定左黎呢間 「The stonegrill 」，見評分唔錯，
又有特色而且大家都未試過，Openrice 顯示人均消費係$101-$150，同媽媽一致贊成！
七點鍾黎到 , 都己經有唔少人入座 , 環境相當幽雅 , 枱與枱之間好闊落店員知道我地第一次黎 , 都好用心咁向我地介紹 menu , 相當周到 =)
我地最後揀左個 citibank 信用咭o既半價星級晚餐 , 有牛肉有海鮮 ,
然後加一個三款自選石頭燒 , 一個炒飯 , 仲有一客店員話今日焦點o既帶子
叫完計一計 , 淨係個 citibank 餐都 $ 1000 , 無可能係 $150 內一位喎 @@"
野食未到之前, 店員先遞上兩籃面包 , 送上牛油 , 提示我地唔夠可以再叫
接住就為我地開好及倒出四杯葡萄汔酒 , 有如較重果味o既白酒 , 唔錯
面包唔暖 , 不過幾香脆 , 其中兩片好香香草味 , 點橄欖油加黑醋最夾另外兩面係普通法包 , 我地搽左牛油放上石頭燒一燒 , 好好味 xd
緊隨而上o既係沙律同湯 , 因為我地個自選石燒都加左 $ 70 轉套餐
所以有兩款湯同兩款沙律 ,為免混亂 , 以下我會分返開兩個 set 黎打
Citibank 星級晚餐 : 1. 太平洋劍魚配燒茄子沙律
~ 賣相好靚, 鮮嫩粉紅o既劍魚 , 上面鋪住紅洋蔥 , 撒上白芝麻
深紫色長長o個條 , 好似係茄子皮 , 硬硬地幾好o趙 , 不過無味
沙律汁係充滿麻香同帶點醋酸o既和風口味 ,劍魚輕輕點一點
足以帶出其鮮甜味 , 口感軟韌 , 一碟有兩大片 , 一片就咁食
另一片用黎夾埋個茄一齊食 , 別有一返風味 , 燒茄子o係最底
吸收左沙律醋 , 味道較濃 , 但亦食得出茄子輕輕燒過o既香味
茄子己去皮 , 好軟滑 , 配上劍魚及紅洋蔥 , 味道果真豐富
2. 泡沬龍蝦湯~ 細細杯好的式 , 真係好似泡沬咖啡咁 , 個泡唔算好滑而且多空氣
龍蝦湯質感似西湯 , 我估計佢係想用泡沫令到龍蝦湯入口變得 creamy
但我連泡飲落都係泡同湯分開o既 , 不過味道係唔錯o既 , 較正常o既清淡
湯內有唔少龍蝦肉碎 , 因為唔係幾熱 , 所以基本上係可能一啖飲晒
3. 澳洲 M6 和牛西冷~ 鮮紅欲滴 , 油花分怖優美 , 多得待應不時從旁指導 , 我地都燒得幾成功
因石頭上枱時高達 400 度 , 待應教我地先煎左半塊先 , 比較容易掌握
兩邊燒一燒 , 然後切成一條條 , 中間兩側再以個人喜好o既生熟度再燒
好開心呀 , 因為平時細佬鐘意食比較生 , 我就要食七成熟 ,
而家咁樣好好呀 , 細佬食生 d o既就快 d 夾起 , 我要熟 d 就再燒多陣
石頭燒o既碟上有牛扒汁 , 燒o既時候都可以自行用鹽同黑胡椒調味
我食左幾條都係較為熟o既 , 但肉質都依然軟綿 , 咬落去o個下 ..
可以感覺到 d 油逐下咁滲出黎 , 但係好香好滑而不覺膩o既 ,
細佬食五成熟左右 , 佢話咁樣仲正仲好味喎 , 佢對牛肉咁有要求都覺得滿意 ^^
4. 珍寶大蝦配精選海鮮~ 大蝦又厚又肥美 , 待應當然都好細心咁幫我地放好上石頭 , 教我地點燒
同樣係用鹽同胡椒調味 , 而醬汁就換成香草牛油汁 , 係幾香濃但不合我口味
大蝦肉質彈牙 , 燒得剛好 , 而蝦頭就緊係我呢個壽星女食啦 , 都幾多膏 ^v^
精選海鮮包括兩隻魷魚仔 , 兩隻帶子 , 兩隻青口 , 比我想像中豐富
我淨係食左魷魚 , 幾爽幾鮮味 , 帶子本身係熟o既 , 我見到都幾大隻喎
自選石燒套餐 : 1. 什菜沙律
~ 比較普通 , 沙律菜新鮮爽脆 , 但我覺得有少少苦澀味 ,
沙律醬味道平平 , 除左菜就只有車厘茄同幾片磨菇
呢個沙律係跟埋餐湯及飲品, 要加 $ 70 , 當日無為意 ...
我地最後叫餐飲時只係叫左星級套餐o個兩杯 , 無叫呢 $ 70 餐o個杯 =(
2. 忌廉南瓜湯~ 好甜好滑 , 近乎似食緊糖水o個種南瓜露咁 , 唔同o既係 ...
湯係用上淡忌廉而不是棷奶 , 而且南瓜肉係一粒粒咁 , 質感無咁漿
不過就食唔到一絲絲南瓜蓉 , 充滿纖維o個種口感 , 但味道都 ok
3. 四安士美國牛肋肉~ 口感不及和牛西冷鮮嫩, 比較有嚼勁 , 油份唔多 , 牛味香濃
切粒食又有唔同o既感覺 , 同樣係可以自由控制生熟程度
但因牛肋肉厚身 , 所以一定要轉側兩邊燒 , 燒到外表係熟o既
裏面有幾生 , 只要我睇唔到又唔特登咬開佢 , 我都會試下食
果然少少生又真係有更多肉汁 , 不過好似會韌 d 無咁鬆化
4. 四安士挪威三文魚
~ 三文魚可以輕輕燒熟個面就食得 , 加少少鹽 ,再落 d 檸檬汁
個面燒過好香又有少少魚油出左黎 ,咬開裏面見到係未熟
但食唔到軟滑o既質感 , 因為塊魚大但薄身 , 如果厚身就生熟更分明
5. 珍寶磨菇
~ 成拳頭咁大 , 手掌咁厚 , 唔使調味去燒佢 , 又唔使點照顧佢 ,
只要吉落開始淋身就可以慢慢切開佢, 待應提醒我地唔好太大力
否則會壓左 d 水份出黎就無咁好食 , 果然真係好 juicy 好鮮味
香濃o既菇味 , 肥厚有咬口 , 輕輕點少少香草牛油汁己經好好味 !!
單點美食 : 1. 加拿大鮮帶子
~ 要o係石頭最熱時放上去燒 , 燒好一面後更少少鹽 , 反轉燒多陣就食得
可以燒晒四邊先食 , 會香口 d , 又可以燒兩邊至金黃 , 鎖住水份 ,
咬開o個一刻 , 帶子汁自動流出 , 香甜肥腴 , 想要彈牙 d , 可以燒耐 d
帶子都係跟牛油汁 , 不過個人覺得唔係幾配襯 , 淨係鹽燒就最鮮味
2. 巴馬火朖蟹肉炒飯~ 不經不覺咁食下食下都開始飽 , 諗住係咁易食少少飯 .
點知食到停唔到口咁濟呀 , 巴馬火腿o既濕度同煙韌度同樣正 ,
飯粒夠鬆散 , 有唔少蟹肉 , 火腿咸香配合蟹肉炒飯o既鮮甜
係意想不到咁夾咁好食 , 相信有機會再黎o既話我都會再叫呢個飯
## 葡萄酒飲左三份二 , 面開始紅 , 餐飲點左兩杯凍檸檬茶 ... 都無乜點飲呢餐四人食左 $ 16xx , citibank card 係我o既所以我自己埋單 ,
老爸就比左 $ 2500 現金我 , 嘩哈 ... 有得賺 !!! 我有生日禮物呀 ^v^
餐後店員送上兩張 coupon , 出年先到期 , 其中一張係 for lunch hour ,
有機會我會黎用左佢o家 !! 等我留意下食評了解下 lunch 有咩食先 =p
張貼
