Muse Furniture Lab (裝修中)

呢間餐廳唔接受walk-in, 只可以經inline app上網book架！尤其星期六日要早2-3個星期book先至有位！本人就開車過黎嘅，始終都比較偏～搭車會有少少唔方便～一入黎見到門口好綠草如茵！好大塊綠草地！打卡真係一流！同女朋友嗌左個燒雞沙律🥗煙三文魚可麗餅，同埋牛油藍青口！先講個沙律🥗食落去好fresh!而且啲雞肉薄切得黎都幾嫩！唔會好鞋恰恰！而且啲芝麻醬仲可以refill添架👍🏻👍🏻個煙三文魚可麗餅好好食！入面個餡係椰菜+芝士！而且上面有隻半熟蛋食落去好match! 而啲煙三文魚食落去好有魚香味！啲薄餅亦都好香煎得！份量大大件真係好飽！最尾到個藍青口！哇！個醬汁真係好好食！好creamy!! 而啲藍青口亦都好多隻！配埋個醬汁一齊食真係一流！我同女朋友都忍唔住要「不」啲湯汁黎飲！好似當湯咁飲真係好正！而且飲落去又唔會好鹹！So far, 間餐廳除左打卡之外，估唔到啲野食係咁好食！價錢又唔係特別貴～只係個location稍為偏遠左少少咁啦～