S2 Kitchen (已搬遷) 新店位置

XO仔雖則精力旺盛過人，但為怕冷落情人，馬拉松式跳舞期間當然係要抽空會一會甜心兒啦！週二晚碰巧兩口子都有得收早，所以就走咗去一家舊同事極力推薦o既「S2 Kitchen」食海膽餐。位於中環石板街o既餐店其實都幾隱蔽吓，真係冇諗過七點未到，店內已坐滿食客。大熱天時行上斜路，埋位當然係要先啤一啤佢啦！然後再續一點選店子o既招牌海膽菜。十層海膽杯（$398）：二人先分咗杯鎮店「海膽杯」。拼埋杯啤酒度更顯出十層疊起o既震撼！海膽杯層次分明，由頂慢慢食落去，先以白飯魚薄片伴上海膽、魚子醬、海葡萄，口感極之爽脆；食到中間o既吞拿魚蓉、三文魚籽、白蝦仔時又多咗份濕潤鮮香，個人覺得最大亮點反而係近杯底o既蟹肉碎拌海膽層，質感幼嫩滑溜，越食越甜美。牛油果帆立貝洋風海膽沙律（$168）：沙律以靚靚o既彩煲呈上，器皿同魚鮮蔬菜o既顏色同樣鮮美吸睛。意外地，墊底o既火箭菜一啲都唔苦，脆口醒胃之餘，連同舖面o既三層海膽、牛油果、帆立貝、蕃茄一齊食，效果更覺柔潤清香，細佬雖然係放緊「菜假」，但都覺得好味到要食多五、六、七、八啖。S2特色海膽火焰卷（$148）：美人兒最愛玩火，一見到個餸名已不停嚷著要試。卷物上枱時