日本野 (銅鑼灣廣場二期) (已結業)

上次去銅鑼灣廣場食泰國菜走既時候，發現隔離有間食日本料理既餐廳，見到餐牌有石燒牛食，都好似幾吾錯，今次就去試試！石燒霜降牛小排定食選用美國Prime級牛小排，油脂比例平均，肉質鮮嫩，食石燒牛既好處就係可以自己控制火喉，而我就喜歡輕輕燒熟表面就食，可以鎖住肉汁又嫩滑，另配有醬汁、鹽同蒜蓉等調味，跟餐有沙律、日本米飯、溫泉蛋或糖心蛋同飲品。溫泉蛋和風燒牛肉丼牛肉蓋滿整個飯，口感紮實不油膩，拌均溫泉蛋，入口更軟嫩，日式甜醬油風味，越食越開胃。追加小食加$28就有兩件芝士年糕，煙煙靭韌岩曬我。