柴石燒 (已結業)

早前睇報導見位於將軍澳的「日日食」美食廣場將會結束營業，在報導中見到有間食石燒定食好吸引，故打算在結束之前去試下。這裏以Foodcourt 經營，雲集了幾間不同種類的食肆，而今次的目標就是這間「柴石燒」。今晚人流唔多，可以先點菜才搵位，見餐牌有六款定食堂食為石燒，還有三款丼飯，一場來到必揀石燒定食，每款定食都包日本珍珠米飯、日式麵豉湯和日式胡麻醬沙律。我點了一客日式蒲燒鰻魚 Japanese Grilled Eel ($78)，原條鰻魚雖放在石板上餐，但並沒有想像中咁熱。鰻魚肉嫩肥美，沾滿甜甜地的燒汁，用來佐粒粒飽滿的珍珠米飯就一流，雖還配備了一碗醬汁，但不用也可。除了有清爽的沙律菜之外，鰻魚旁邊還有一些粟米芯和菇，岩晒我。而日式麵豉湯就一般啦!友人點了一客紐西蘭西冷 Sirloin Steak, New Zealand ($88)，放在石板上仍見內存血水，但過了一會就熱熟了，如果大家唔想食太熟就要快食，哈! 友人話西冷都幾腍嫩，牛味就一般，蘸上一些蒜蓉汁較好味，以此定價都不錯啦!提外話：「日日食」美食廣場應該仍營業中。