蒸廬

營業中

休息中

呢間係小店係轉角位，店面唔大唔起眼，但好多人係外面排隊，今日就同同事提早去等位試一試。店面比較細，坐得比較逼，繁忙時間要搭枱都在所難免。餐單選擇有唔同點心，蒸飯同埋燉湯。我今次單點左南瓜鳳爪排骨飯，$45，每個飯嘅份量都好大，就算男仔食都一定夠。個飯係用蒸籠裝住，下面用荷葉鋪底，上面鋪住菜粒，中間有南瓜，同主角鳳爪排骨。菜粒令成個飯多左口感，鳳爪同埋排骨份量多，味道適中，佢唔會好似外面點心好多味精，不過就食完個飯見到荷葉上面有好多油...同事叫咗燉湯話味道偏淡，下次可以試埋點心同燉湯。