影片
更多
2020-09-20
394 瀏覽
🍴陳皮蒸鮑魚比鮑魚仔大隻，老闆話係八頭鮮鮑。鮑身完整乾淨，厚身飽滿，濕潤彈牙，少少陳皮吊味，甘香鮮甜。新張期內晚市堂食每位送一隻，唔知優惠做到幾時，就咁叫就跟時價，當晚賣32蚊一隻。🍴豉椒炒蜆 HK$88入店之時，剛剛有幾箱海鮮送到，魚蝦蟹乜都有，頭先食過鮑魚返尋味，於是叫左碟豉椒炒蜆。先講個汁，岩岩好掛住d蜆，唔會多到浸住晒要尋寶，豉香突出，唔會太鹹太油。蜆肉新鮮無沙，炒完無乜縮水，好鮮甜。🍴冰鎮咕嚕肉 HK$98呢道菜曾經係第二度食過一次，覺得麻麻，外面唔夠冰凍，裡面只餘微溫，兩頭唔到岸，之後都無再食。呢道菜內外溫差的確幾難拿捏，唔通真係要用液態氮瞬間冷卻先得？不過見老闆極力推薦，比多次機會呢道菜啦。上菜後特登放左一分鐘先食，等佢表面更加冰涼。醬汁緊緊包住每粒肉，甜酸岩岩好。脆皮包得實塊肉，唔會皮肉分離，都算做到外冷內熱，外脆內軟，豬肉三分肥七分瘦，酥香可口唔油膩，而我亦都重拾對冰鎮咕嚕肉嘅信心。🍴聚友小炒王 HK$108大部分小菜餐館都會有一味小炒王，用料大同小異，而呢度嘅小炒王就有韭菜、芽菜、榨菜、魷魚、蝦乾、白飯魚、腰果，食材無乜特別，但炒埋一碟就幾夠鑊氣，好香，唔會太鹹，夠
🍴陳皮蒸鮑魚比鮑魚仔大隻，老闆話係八頭鮮鮑。鮑身完整乾淨，厚身飽滿，濕潤彈牙，少少陳皮吊味，甘香鮮甜。新張期內晚市堂食每位送一隻，唔知優惠做到幾時，就咁叫就跟時價，當晚賣32蚊一隻。
🍴豉椒炒蜆 HK$88
入店之時，剛剛有幾箱海鮮送到，魚蝦蟹乜都有，頭先食過鮑魚返尋味，於是叫左碟豉椒炒蜆。先講個汁，岩岩好掛住d蜆，唔會多到浸住晒要尋寶，豉香突出，唔會太鹹太油。蜆肉新鮮無沙，炒完無乜縮水，好鮮甜。
🍴冰鎮咕嚕肉 HK$98
呢道菜曾經係第二度食過一次，覺得麻麻，外面唔夠冰凍，裡面只餘微溫，兩頭唔到岸，之後都無再食。呢道菜內外溫差的確幾難拿捏，唔通真係要用液態氮瞬間冷卻先得？不過見老闆極力推薦，比多次機會呢道菜啦。上菜後特登放左一分鐘先食，等佢表面更加冰涼。醬汁緊緊包住每粒肉，甜酸岩岩好。脆皮包得實塊肉，唔會皮肉分離，都算做到外冷內熱，外脆內軟，豬肉三分肥七分瘦，酥香可口唔油膩，而我亦都重拾對冰鎮咕嚕肉嘅信心。
🍴聚友小炒王 HK$108
大部分小菜餐館都會有一味小炒王，用料大同小異，而呢度嘅小炒王就有韭菜、芽菜、榨菜、魷魚、蝦乾、白飯魚、腰果，食材無乜特別，但炒埋一碟就幾夠鑊氣，好香，唔會太鹹，夠乾身，碟底無多餘油份，炒功了得。
🍴蝦乾魚肚浸時蔬 HK$78
食左咁多肉，要叫碟菜清一清，上湯清甜，帶蝦乾蒜子香氣，可以當湯飲，白菜仔爽脆，魚肚都幾爽，不過我覺得轉用竹笙會更吸湯更夾。
食得出選料同廚藝都幾用心，價錢公道，唔係普通小菜又鹹又多油求其炒幾炒就算，同老闆傾左幾句，原來佢做左廚幾十年，對出品甚有要求，最近自己開左呢間店，希望水準保持到。
📍聚友小廚
沙田石門安群街1號京瑞廣場2期地下G9號舖
張貼
