碼頭上魚

營業中

休息中

元朗不嬲都好多好野食，最近秋風起涼涼地最岩打邊爐，身為食魚專家嘅就揀左間食魚湯火鍋嘅舖頭。佢地主打原條鮮魚熬製嘅魚湯做火鍋base,雪白濃厚嘅0味精魚湯，每一啖都係魚嘅精華👍真係可以打撈返成隻魚出黎，肉眼可見嘅足料。愛好吃辣嘅我就唔少得叫鴛鴦鍋啦，叫左個麻辣紅鍋配鰂魚鍋，紅油鍋好足料，鍋底有滿滿花椒同辣椒🌶️，又香又辣。九宫格拼盆九宮格拼盆真係好抵食，有鮑魚，生蠔，魚片，魚肚，猪肉，猪紅，鴨舌同海带菜。每樣都可以試d，鮑魚同生蠔份量比想象中多。個人好中意猪紅配麻辣湯好正，又滑一d醒味都冇。另外鴨舌都好新鮮，份量真係超多！半魚頭黎到呢度識食一定要食魚！魚頭真係好巨大，可以慢慢啃。碼頭鴛鴦腸(鵝腸、鴨腸）鴛鴦腸包左鵝腸、鴨腸，每樣一半。個人中意食鵝腸多d，夠肥，但鴨腸就爽脆。而且處理得好乾淨，唔會食到怪味。