弥泩

營業中

休息中

今次唔係龍師傅坐鎮 整體感覺都係差少少 第一次來食嘅時候真係比調味同酒肴所驚艷 不論係調味每道菜嘅間隔 酒肴嘅烹調方式 師傅注意食客嘅反映每一個環節 都讓我感受師傅的一絲不苟～ 今次再訪適逢秋季 又到秋刀肥美的季節 愛銀皮魚之人當然不能錯過！今次嘅MVP係秋刀壽司 醬油漬青森吞拿魚 同海膽壽司秋刀魚肉肥美厚肉 表面嘅梅醬微酸帶鹹 一解肥膩感 有一貫弥泩調味讓魚料一加一大於二的效果醬油漬吞拿魚特別選用而家當做青森產地的魚料 入口綿軟 甜味悠長 彷如一口柔軟嘅棉花糖融化係口中 魚肉同粒粒分明嘅飯粒形成鮮明嘅對比 一口感受多重的口感海膽壽司係全餐飯嘅MVP! 入口超級鮮甜 好似一口食左一啖糖咁 係我近來食嘅裡面暫時食到最甜 海膽味最濃的 好開心但需要一提係上捲物時同期上左玉子燒 開頭食緊螺嘅時候又同時上左海苔秋刀捲 有少少食唔切嘅感覺 遲食又怕海苔會林… 建議一道一道上感覺會好啲