魚肉湯皇美食

營業中

休息中

夜晚收工加上近排開始冬天一落車就好肚餓，落到地鐵站出咗閘就見到有間10:30鐘都開嘅篤魚蛋舖頭，有種雪中送炭嘅感覺，莫名嘅感動同埋溫暖。本身諗住買串魚蛋，但係見舖頭入面個兜熱辣辣嘅碗仔翅好似好吸引，就叫咗一碗仲要即刻食，$21一碗碗仔翅對比$8一串魚蛋好抵啊～碗仔翅超大碗，仲要好足料添！佢仲有山菜魚肉，下次一定會試，或者兩溝。服務員都好有禮貌，同埋啲醬料係自己加，見到買咗腸粉嗰啲人可以勁落自己鍾意嘅醬，唔使怕同店員講多醬會唔好意思。