青葉海鮮酒家 (佐敦道)

營業中

休息中

今晚同家人食飯，喺青葉訂左一圍十五人，總共九味餸。呢個宮廷鴛鴦骨，一邊係椒鹽骨，好香口，一邊係糖醋骨，又腍又入味，好食。沉香花膠烏雞湯，剩係睇呢碟湯渣都知足料。呢碟個名好威，叫金龍吐珍珠😂龍躉兩味，我覺得炸好食啲，粉唔多，香口，厚肉。鮑魚粉絲煲！啲鮑魚算好大隻，但唔韌，鋪面嘅金銀蒜蔥好香，啲汁落晒粉絲，好入味，加埋芽菜更爽口。呢個籠仔海皇飯又係好食，超多料，有蝦、魚、金針、黑木耳、矮瓜等，成籠飯都好鮮味。可惜食到尾只可以淺嘗。唔知係我地細食家真係碟頭好大，我估有三份係打包走的。