影片
更多
2023-11-21
115 瀏覽
香港人最愛掃街，我當然都唔例外。早排經開深水埗桂林街見到有間比較有特色嘅食店，就係筲箕手工河粉。門口有個筷子夾住啲筲箕河粉嘅模型勁過癮🤪，就係因為咁比佢吸引咗🤩。 老闆介紹咗佢哋嘅招牌手撕雞筲箕河粉，河粉嚴選梯田糙米，磨超過1800次，令啲米漿細膩絲滑再蒸，河粉滑不溜口，食落去直滑落喉嚨。雞絲嫩滑幼細，另加配料青瓜絲🥒（加$3）同菜脯粒（加$5），口感更爽脆。再配合埋店舖秘制醬汁，呢個醬汁絕對係靈魂所在，令成個味道提鮮，食落更加滋味🤤。 豉油王炒麵炒得幾香，豉油味濃，麵質爽口。 小食火鴨絲碗仔翅必食，勁足料，好多火鴨絲，另外唔少得冬菇絲、粉絲同埋木耳絲，食完一碗大滿足😋！ 豆漿係自家磨制，豆味濃郁，最緊要味道唔會太甜，啱晒追求健康嘅朋友們。
香港人最愛掃街，我當然都唔例外。早排經開深水埗桂林街見到有間比較有特色嘅食店，就係筲箕手工河粉。門口有個筷子夾住啲筲箕河粉嘅模型勁過癮🤪，就係因為咁比佢吸引咗🤩。
老闆介紹咗佢哋嘅招牌手撕雞筲箕河粉，河粉嚴選梯田糙米，磨超過1800次，令啲米漿細膩絲滑再蒸，河粉滑不溜口，食落去直滑落喉嚨。雞絲嫩滑幼細，另加配料青瓜絲🥒（加$3）同菜脯粒（加$5），口感更爽脆。再配合埋店舖秘制醬汁，呢個醬汁絕對係靈魂所在，令成個味道提鮮，食落更加滋味🤤。
豉油王炒麵炒得幾香，豉油味濃，麵質爽口。
小食火鴨絲碗仔翅必食，勁足料，好多火鴨絲，另外唔少得冬菇絲、粉絲同埋木耳絲，食完一碗大滿足😋！
豆漿係自家磨制，豆味濃郁，最緊要味道唔會太甜，啱晒追求健康嘅朋友們。
張貼
