影片
更多
2023-07-18
142 瀏覽
生日前後嘅時間，總會食咗好多餐生日飯。阿媽剛巧放假，話約食餐生日飯，簡單吃就約居酒屋應該最好，一來乜都有得食，二來又可以控制住唔會吃太多。之前喺土瓜灣已經好想食呢間居酒屋，原來九龍城都有間分店，於是就訂咗兩位試吓，誰知呢度仲要有加$98就有兩個小時嘅任飲啤酒同清酒優惠，本來唔想飲，結果都係照飲。送嘅前菜都幾好食，一如平常居酒屋，水準唔會太差。先來的厚切牛舌芯，夠熱夠厚，鹹左少少，但無損其表現。蟹羔玉子燒，入面嘅蟹羔都算幾澎湃，而且玉子好滑。漬物三點，牛旁，辣蒜頭同淹蘿蔔，送酒絕對係一流。前菜的胡麻蕃茄沙律，阿媽話未試過咁新鮮，蕃茄甜到一個地步，一食就知道係日本飛機貨。唐揚炸雞炸得剛好，熱辣辣面咬落去有強勁的肉汁，送啤酒係不能說的好。厚燒豆腐又係盡顯功架，一試就知道居酒屋嘅水準。青森青提豚肉卷同富士蘋果豚肉卷，以兩種唔同嘅水果去做嘅串燒，減低串燒嘅油膩感，個人覺得富士蘋果個味特別啲。紫蘇三味雞肉串，呢個絕對係我當晚嘅最愛，紫蘇嘅香氣夠，雞肉唔會過火，依舊好嫩滑。粟米加左牛油去燒，又點會唔好，唯獨唔好係一串串應該食得方便啲。兩個人簡簡單單食，每人都係幾百蚊，唔使大魚大肉，傾吓偈咁就一餐，生
生日前後嘅時間，總會食咗好多餐生日飯。
阿媽剛巧放假，話約食餐生日飯，簡單吃就約居酒屋應該最好，一來乜都有得食，二來又可以控制住唔會吃太多。
之前喺土瓜灣已經好想食呢間居酒屋，原來九龍城都有間分店，於是就訂咗兩位試吓，誰知呢度仲要有加$98就有兩個小時嘅任飲啤酒同清酒優惠，本來唔想飲，結果都係照飲。
送嘅前菜都幾好食，一如平常居酒屋，水準唔會太差。
先來的厚切牛舌芯，夠熱夠厚，鹹左少少，但無損其表現。
蟹羔玉子燒，入面嘅蟹羔都算幾澎湃，而且玉子好滑。
漬物三點，牛旁，辣蒜頭同淹蘿蔔，送酒絕對係一流。
前菜的胡麻蕃茄沙律，阿媽話未試過咁新鮮，蕃茄甜到一個地步，一食就知道係日本飛機貨。
唐揚炸雞炸得剛好，熱辣辣面咬落去有強勁的肉汁，送啤酒係不能說的好。
厚燒豆腐又係盡顯功架，一試就知道居酒屋嘅水準。
青森青提豚肉卷同富士蘋果豚肉卷，以兩種唔同嘅水果去做嘅串燒，減低串燒嘅油膩感，個人覺得富士蘋果個味特別啲。
紫蘇三味雞肉串，呢個絕對係我當晚嘅最愛，紫蘇嘅香氣夠，雞肉唔會過火，依舊好嫩滑。
粟米加左牛油去燒，又點會唔好，唯獨唔好係一串串應該食得方便啲。
兩個人簡簡單單食，每人都係幾百蚊，唔使大魚大肉，傾吓偈咁就一餐，生日唔一定要大排筵席，最緊要開心就夠。
張貼
